«PSJ»ning yangi futbolchisi Bredli Barkola Fransiya chempioni lageriga o‘tgani haqidagi taassurotlari bilan o‘rtoqlashdi. O‘yinchining avvalgi klubi «Lion» edi.
«Bu transferdan juda xursandman. Men shunday buyuk klubga qo‘shilganimdan faxrlanaman. «PSJ» juda katta ambisiyalarga ega, ular eng kuchli turnirlarda o‘ynaydi.
Men ushbu jamoa uchun bor kuchimni berishni xohlayman», - dedi futbolchi.
Eslatib o‘tamiz, Barkola yozgi transfer oynasining so‘nggi kunlarida «PSJ»ga o‘tgan edi. Hujumchi parijliklar bilan 2028 yilning yoziga qadar hisoblangan uzoq muddatli mehnat shartnomasini imzolagan.
