«ПСЖ»нинг янги футболчиси Брэдли Баркола Франция чемпиони лагерига ўтгани ҳақидаги таассуротлари билан ўртоқлашди. Ўйинчининг аввалги клуби «Лион» эди.
«Бу трансфердан жуда хурсандман. Мен шундай буюк клубга қўшилганимдан фахрланаман. «ПСЖ» жуда катта амбицияларга эга, улар энг кучли турнирларда ўйнайди.
Мен ушбу жамоа учун бор кучимни беришни хоҳлайман», - деди футболчи.
Эслатиб ўтамиз, Баркола ёзги трансфер ойнасининг сўнгги кунларида «ПСЖ»га ўтган эди. Ҳужумчи парижликлар билан 2028 йилнинг ёзига қадар ҳисобланган узоқ муддатли меҳнат шартномасини имзолаган.
