«Milan» hujumchisi Lorenso Kolombo «Monsa»ga ijara asosida o‘tdi, deya xabar beradi klub rasmiy sayti.
21 yoshli italiyalik bilan ijara shartnomasi 2023/24 yilgi mavsum oxirigacha amal qiladi.
Kolombo o‘tgan mavsumni ijara asosida «Lechche»da o‘tkazdi. Hujumchi barcha musobaqalarda 34 ta o‘yin o‘tkazib, 6 ta gol urdi va 2 ta golli uzatmani amalga oshirdi.
Transfermarkt portali futbolchining narxini 5 million yevroga baholamoqda.