«Yuventus» bosh murabbiyi Massimiliano Allegri jamoaning maqsadini Italiya chempionatida kuchli to‘rtlikka kirish deb atadi.
Shuningdek, «keksa sinyora» bosh murabbiyi jamoa tarkibi belgilangan maqsadga mos keladimi, degan savolga javob berdi.
«Bu jiddiy musobaqa. Natijalarimizni yaxshilash uchun har kuni ishlaymiz, ammo kuchli raqiblar ham bor.
O‘ylaymanki, bu juda muvozanatli mavsum bo‘ladi va kuchli to‘rtlikka kirish juda qiyin bo‘ladi. Mening hisob-kitoblarimga ko‘ra, kuchli to‘rtlikka kirish uchun kamida 76 ochko to‘plash kerak», — dedi Allegri.
