Fransiya terma jamoasining sobiq futbolchisi Robert Pires “Al-Hilol” hujumchisi Neymarni tanqid qildi.
Avvalroq braziliyalik futbolchi "PSJ"da Lionel Messi bilan birga jahannam nimaligini his qilganini aytgandi.
"Men buni yig‘layotgan chaqaloqlar deb atayman. Professional futbolchi bo‘lish - bu bosim bilan kurashishdir. Ba’zida yaxshi o‘ynasang, maqtovga sazovor bo‘lasan. Yo‘q bo‘lganda... Xo‘sh, bu o‘yinning bir qismi.
Hammamizni tanqid qilishdi. "Arsenal"ga o‘tganimda Mark Overmarsni almashtirishga majbur bo‘ldim va ular menga umidim yo‘qligini aytishdi. Men og‘zimni yumdim, ishlashda davom etdim va yakunda bu o‘z samarasini berdi", - dedi Pires GFFN bilan suhbatda.
