Франция терма жамоасининг собиқ футболчиси Роберт Пирес “Ал-Ҳилол” ҳужумчиси Неймарни танқид қилди.
Аввалроқ бразилиялик футболчи "ПСЖ"да Лионель Месси билан бирга жаҳаннам нималигини ҳис қилганини айтганди.
"Мен буни йиғлаётган чақалоқлар деб атайман. Профессионал футболчи бўлиш - бу босим билан курашишдир. Баъзида яхши ўйнасанг, мақтовга сазовор бўласан. Йўқ бўлганда... Хўш, бу ўйиннинг бир қисми.
Ҳаммамизни танқид қилишди. "Арсенал"га ўтганимда Марк Овермарсни алмаштиришга мажбур бўлдим ва улар менга умидим йўқлигини айтишди. Мен оғзимни юмдим, ишлашда давом этдим ва якунда бу ўз самарасини берди", - деди Пирес GFFN билан суҳбатда.
