Londonning “Chelsi” klubining sobiq himoyachisi Uilyam Gallas “aristokratlar” rahbariyatining kadrlar siyosatini tanqid qildi. Fransiyalik futbolchining fikricha, "ko‘klar" tarkibida tajribali futbolchilar yetishmayapti.
“Premyer-ligada katta tajribaga ega bo‘lmagan yosh futbolchilar bilan g‘alaba qozonib bo‘lmaydi. Turli yoshdagi o‘yinchilar o‘rtasida muvozanat bo‘lishi kerak. "Chelsi" rahbariyati haqiqatdan ham nima qilayotganini tushunmayotganga o‘xshaydi", - deya Gallasning so‘zlarini keltirgan jurnalist Saymon Fillips.
Eslatib o‘tamiz, "Chelsi" o‘rtacha yosh bo‘yicha APLning eng yosh jamoalaridan biri hisoblanadi. 30 yoshdan oshgan yagona asosiy futbolchi - markaziy himoyachi Tiago Silva.
