Hujumchi Nikolas Pepe "Arsenal"dan "Beshiktosh"ga o‘tmoqda. L’Equipe xabar berishicha, dushanba kuni 28 yoshli futbolchi turk klubida tibbiy ko‘rikdan o‘tmoqda.
Qayd etilishicha, yoz boshida Pepe "Beshiktosh" variantni rad etgandi. Endi hujumchi baribir "burgutlar"ga o‘tadigan bo‘ldi.
Eslatib o‘tamiz, "Arsenal"da Nikolas Pepe bosh murabbiy Mikel Artetaning rejalariga kiritilmagan. Bu mavsumda hujumchi maydonga tushmadi, o‘tgan mavsumni esa ijara asosida "Nissa"da o‘tkazdi.
Qo‘shimcha qilamizki, Transfermarkt portali Pepeni 18 million yevroga baholamoqda.
