"Liverpul" va Angliya terma jamoasi himoyachisi Trent Aleksandr-Arnold sentyabr oyidagi o‘yinlarda terma jamoasiga yordam bera olmaydi. Bu haqda “Liverpul” matbuot xizmati xabar berdi. Gap uning "Aston Villa"ga qarshi (3:0) 4-tur uchrashuvida olgan jarohati haqida ketmoqda. Eslatib o‘tamiz, Trent oxirgi o‘yinning ikkinchi yarmida almashtirilgan edi.
Eslatib o‘tamiz, sentyabrda britaniyaliklar mos ravishda 9 va 12 sentyabr kunlari Ukraina va Shotlandiya jamoalariga qarshi safarda o‘ynaydi. Ukrainaliklar bilan o‘yin Yevro-2024 saralash doirasida bo‘lib o‘tadi, shotlandlarga qarshi o‘yin esa o‘rtoqlik darajasida bo‘ladi.
