"Manchester Yunayted"ning sobiq futbolchisi Rio Ferdinand Jeydon Sanchoning holati haqida fikr bildirdi.
23 yoshli vinger "Qizil iblislar"ning "Arsenal"ga qarshi APLning so‘nggi o‘yinida ishtirok etmagandi. Futbolchi o‘z noroziligini ijtimoiy tarmoqlar orqali ochiq aytdi, bundan esa klub nihoyatda norozi.
"Menimcha, bu vaziyatdan chiqishning faqat ikkita yo‘li bor: yo Sancho transfer oynasi hali ochiq bo‘lgan Saudiya Arabistonining klubiga o‘tadi yoki mavsum oxirigacha tarkibdan tashqarida qolishi kerak", - deydi sobiq himoyachi.
Jeydon Sancho joriy mavsumda “Manchester Yunayted” safida 3 ta o‘yinda zaxiradan maydonga tushdi.
