"Манчестер Юнайтед"нинг собиқ футболчиси Рио Фердинанд Жэйдон Санчонинг ҳолати ҳақида фикр билдирди.
23 ёшли вингер "Қизил иблислар"нинг "Арсенал"га қарши АПЛнинг сўнгги ўйинида иштирок этмаганди. Футболчи ўз норозилигини ижтимоий тармоқлар орқали очиқ айтди, бундан эса клуб ниҳоятда норози.
"Менимча, бу вазиятдан чиқишнинг фақат иккита йўли бор: ё Санчо трансфер ойнаси ҳали очиқ бўлган Саудия Арабистонининг клубига ўтади ёки мавсум охиригача таркибдан ташқарида қолиши керак", - дейди собиқ ҳимоячи.
Жэйдон Санчо жорий мавсумда “Манчестер Юнайтед” сафида 3 та ўйинда захирадан майдонга тушди.
