Gollandiyalik sobiq yarim himoyachi Rafael van der Vartning o‘g‘li Damian van der Vart «Ayaks» bilan shartnoma imzoladi, deb xabar beradi klub rasmiy sayti.
17 yoshli yarim himoyachi Daniyaning «Esbyerg» jamoasidan amsterdamliklar safiga kelib qo‘shildi va 2024 yilgacha shartnoma imzoladi. Taqdimot paytida u otasi bilan suratga tushdi.
Rafael van der Vart «Ayaks» tarbiyalanuvchisi hisoblanadi. U jamoa safida 156 ta o‘yin o‘tkazib, 61 ta gol urgan va 28 ta golli uzatmani amalga oshirgan. Bundan tashqari, futbolchi «Gamburg», «Real», «Tottenxem», «Betis», «Midtyuland» va «Esbyerg» klublarida to‘p tepgan.
