Голландиялик собиқ ярим ҳимоячи Рафаэль ван дер Вартнинг ўғли Дамиан ван дер Варт «Аякс» билан шартнома имзолади, деб хабар беради клуб расмий сайти.
17 ёшли ярим ҳимоячи Даниянинг «Эсбьерг» жамоасидан амстердамликлар сафига келиб қўшилди ва 2024 йилгача шартнома имзолади. Тақдимот пайтида у отаси билан суратга тушди.
Рафаэль ван дер Варт «Аякс» тарбияланувчиси ҳисобланади. У жамоа сафида 156 та ўйин ўтказиб, 61 та гол урган ва 28 та голли узатмани амалга оширган. Бундан ташқари, футболчи «Гамбург», «Реал», «Тоттенхэм», «Бетис», «Мидтьюланд» ва «Эсбьерг» клубларида тўп тепган.
