"Bavariya" vingeri Leroy Sane jamoaning yangi futbolchisi Xarri Keyn haqida o‘z fikrlarini bildirib o‘tdi.
Angliyalik hujumchi avgust oyida Myunxen grandi safiga kelib qo‘shildi, u "Tottenxem"dan 100 million yevro evaziga transfer qilindi.
"Men har doim Premyer-ligani kuzatib boraman va Keyn so‘nggi o‘n yil ichida dunyoning eng yaxshi hujumchilaridan biri ekanligiga shubham yo‘q. U boshqa ko‘plab ajoyib hujumchilar bo‘lgan ligada doimo diqqat markazida. Xarri shaxsiy nuqtai nazardan jamoamiz bilan juda mos keladi - u juda professional munosabatda bo‘lgan kamtarin odam sifatida namoyon bo‘ladi.
Bizning o‘yin uslubimiz bilan maydonda toza hujumchiga ega bo‘lish muhim, va bizda hozir bu vazifa uchun Keyn bor", - deya Sane so‘zlarini keltiradi Kicker.
