"Бавария" вингери Лерой Сане жамоанинг янги футболчиси Харри Кейн ҳақида ўз фикрларини билдириб ўтди.
Англиялик ҳужумчи август ойида Мюнхен гранди сафига келиб қўшилди, у "Тоттенхэм"дан 100 миллион евро эвазига трансфер қилинди.
"Мен ҳар доим Премьер-лигани кузатиб бораман ва Кейн сўнгги ўн йил ичида дунёнинг энг яхши ҳужумчиларидан бири эканлигига шубҳам йўқ. У бошқа кўплаб ажойиб ҳужумчилар бўлган лигада доимо диққат марказида. Харри шахсий нуқтаи назардан жамоамиз билан жуда мос келади - у жуда профессионал муносабатда бўлган камтарин одам сифатида намоён бўлади.
Бизнинг ўйин услубимиз билан майдонда тоза ҳужумчига эга бўлиш муҳим, ва бизда ҳозир бу вазифа учун Кейн бор", - дея Сане сўзларини келтиради Kicker.
