Angliya premyer-ligasi rasmiy saytida avgust oyining eng yaxshi murabbiyi sovriniga qaysi mutaxassislar da’vogarlik qilayotgani haqida ma’lumot paydo bo‘ldi.
Murabbiylar ro‘yxatiga «Arsenal»dan Mikel Arteta, «Manchester Siti»dan Xosep Gvardiola, «Liverpul»dan Yurgen Klopp, «Vest Xem»dan Devid Moyes va «Tottenxem»dan Anje Postekoglu kirdi.
Avgust oyida «Manchester Siti» APLning uchta o‘yinida ham g‘alaba qozongandi. «Arsenal», «Liverpul», «Vest Xem» va «Tottenxem»ga keladigan bo‘lsak, bu jamoalar avgust oyidagi uchta turda mumkin bo‘lgan 9 ochkodan 7 ochko to‘plashdi.
Liganing navbatdagi tur o‘yinlari 16, 17 va 18 sentyabr kunlari bo‘lib o‘tadi.
