Ispaniya terma jamoasi Tbilisiga yetib keldi va u yerda tez orada Yevro-2024 saralashi doirasida Gruziya terma jamoasiga qarshi maydonga tushadi.

Poytaxtda «qizil furiya» kutilmagan muammoga duch keldi. Ma’lum bo‘lishicha, kutilmagan tarzda, sportchilar jihozlarining bir qismi Madridda qoldirib kelgan. Futbolchilar butsa va darvozabon qo‘lqopisiz ishlashlariga to‘g‘ri keldi.

Ammo futbolchilar bunga qarshi emasdek tuyuldi. Ispanlar quyoshli Gruziya osmoni ostida xursandligini yashirmadi.

Lamin Yamal albatta xursand bo‘ldi! Ispaniya terma jamoasi futbolchilari yangi futbolchini iliq kutib olishdi.

Jamoa rahbariyati unutilgan butsalar muammosini oddiygina hal qildi: butsalar o‘rniga futbolchilarga krossovkalar berildi. Qo‘lqopsiz qolgan darvozabonlarga esa biroz qiyinroq bo‘ldi.

Cadena SER nashrining yozishicha, Madridda unutilgan uskunalar De la Fuentening rejalariga ma’lum o‘zgartirishlar kiritdi.

Butsasiz futbolchilar maysada oddiy jismoniy mashqlar bilan kifoyalandi. Rahbariyat futbolchilarni butsasiz o‘ynashga majburlay olmadi, chunki bunda jarohat olish xavfi juda katta bo‘ladi.

Sport nashri xabariga ko‘ra, jihozlar Tbilisiga yoki 7 sentyabr oqshomida yoki 8 sentyabr kuni ertalab yetkaziladi. Ispaniya Gruziya bilan aynan shu kunda bellashadi.