“An-Nasr” markaziy himoyachisi Emerik Laport kelajagi haqidagi fikrlari bilan o‘rtoqlashdi.
Avgust oyida 29 yoshli futbolchi klubini “Manchester Siti”dan Saudiya Arabistonining “An-Nasr” klubiga almashtirgan edi. Markaziy himoyachiga u faoliyatini boshlagan Bilbaoning “Atletik” klubi ham qiziqish bildirgan.
“Menda turli xil variantlar bor edi. Ketganimdan beri “Atletik” bilan aloqadaman. Klub bir kun kelib qaytishni xohlayotganimni biladi, ammo bu yozda men to‘g‘ri vaqt hali kelmagan deb qaror qildim. Shu bilan birga, faoliyatimni "Atletik" yoki "Bordo"da yakunlash niyatidaman", - dedi Lyaport.
