Didye Desham shogirdlari o‘z darvozasidan birorta ham to‘p o‘tkazib yubormasdan yana bir bor g‘alaba qozonishdi.
"Uch ranglilar" Yevro-2024 saralashida Irlandiya Respublikasini mag‘lub etishdi (2:0). 19 va 48-daqiqalarda Orelyen Tchuameni va Markus Tyuram raqiblar darvozasiga gol urishdi.
Fransuzlar ketma-ket beshinchi o‘yinda g‘alaba qozonishdi - bu terma jamoa uchun shaxsiy rekord, - deya qayd etadi Opta. Qolaversa, jamoa 16 yil ichida birinchi marta ketma-ket beshta o‘yinda darvozasi daxlsizligini saqlab qoldi.
Fransiya terma jamoasi 15 ochko bilan saralash guruhida ishonchli tarzda peshqadamlik qilmoqda. Navbatdagi turda amaldagi jahon vise-chempionlari Niderlandiyaga qarshi safarda o‘ynaydi – o‘yin 13 oktyabr kuni bo‘lib o‘tadi.
