Braziliyalik Vinisius Junior «Real Madrid»dagi dastlabki yillar davomida ishonchni uncha oqlamadi va katta tanqidlar opsiyasiga duch keldi.
Keyin esa vaziyat o‘zgardi. Raqamlarda aytsak, Vini oxirgi 2 mavsum doirasidagi rasmiy o‘yinlarda «Gol+pas» tizimi bo‘yicha naq 81 ball (45ta gol va 36ta assist) to‘pladi, qolaversa, «Oltin to‘p» uchun kurashda kuchli o‘ntalikka kirdi. Xullas, braziliyalik «Madrid»da Krish-tianu Ronaldu maqomiga da’vogar ekanligini isbotlashga tushdi. Umuman, uning «Madrid»da portugaliyalik vorisi bo‘lishiga ishonch tobora oshmoqda. Bir tomonda - Vinisiusning kosmik raqamlari, ikkinchi tarafda - yana bir qator salmoqli sabablar.
1-sabab. Vinisius «Real»da 7-raqamli oldi, nihoyat. Braziliyalik vinger klubdagi 4 yillik faoliyatidan so‘ng «Santyago Bernabeu» uchun alohida ahamiyat kasb etadigan raqam egasiga aylandi. Umuman olganda, u «7»ning oxirgi egasi, o‘sha Eden Azardan kuchliroq ekanligini to‘liq isbotlashga ulgurdi.
2-sabab. Braziliyalik futbolchining o‘yindagi yangi roli Ronaldunikiga o‘xshash. Ya’ni bir necha yil asosan chap qanotda harakatlangan Vini endi tez-tez markaz tomon siljisa, ajabmas.
3-sabab. Vinisius joriy mavsum xuddi Krishtianu kabi klubning shtatli penaltichiga aylanishi mumkin.
4-sabab. Karim Benzema ketdi va endi Vinisius oldingi zonada pressing taqdim etuvchi asosiy kuch bo‘ladi. To‘g‘ri, Krishtianu «Madrid»da bu ish bilan shug‘ullanmagan, hisob.
5-sabab. Vinisius ham Nike bilan hamkorlik qiladi. Tushuning, 4ta sababdan ko‘ra, 5tasi yaxshiroq...
