Angliya terma jamoasi qanot himoyachisi Kayl Uoker kecha bo‘lib o‘tgan 2024 yilgi Yevropa chempionati saralash bosqichi doirasida Ukraina terma jamoasiga qarshi o‘yin natijasi haqida fikr bildirdi. Uchrashuv 1:1 hisobida yakunlandi.
“Biz bir ochko oldik va hozir guruhda yaxshi holatdamiz. Ba’zida bunday o‘yinlar sodir bo‘ladi. Jamoamiz to‘pga a’lo darajada ega bo‘ldi va ko‘proq imkoniyatlar yaratishi mumkin edi, ammo raqiblar ham yaxshi futbol namoyish etishdi", - dedi himoyachi.
Ushbu uchrashuvdan so‘ng Angliya 13 ochko bilan "C" guruhida peshqadamlik qilmoqda, Ukraina (7 ochko) esa ikkinchi o‘rinda.
