Англия терма жамоаси қанот ҳимоячиси Кайл Уокер кеча бўлиб ўтган 2024 йилги Европа чемпионати саралаш босқичи доирасида Украина терма жамоасига қарши ўйин натижаси ҳақида фикр билдирди. Учрашув 1:1 ҳисобида якунланди.
“Биз бир очко олдик ва ҳозир гуруҳда яхши ҳолатдамиз. Баъзида бундай ўйинлар содир бўлади. Жамоамиз тўпга аъло даражада эга бўлди ва кўпроқ имкониятлар яратиши мумкин эди, аммо рақиблар ҳам яхши футбол намойиш этишди", - деди ҳимоячи.
Ушбу учрашувдан сўнг Англия 13 очко билан "C" гуруҳида пешқадамлик қилмоқда, Украина (7 очко) эса иккинчи ўринда.