“Roma” bosh murabbiyi Joze Mourinyo navbatdagi transfer maqsadi haqida bir qarorga keldi. Sportbild xabariga ko‘ra, "Frayburg" safida Germaniya chempionatida to‘p tepayotgan yarim himoyachi Rolland Shallai portugaliyalik mutaxassisning qiziqish doirasiga tushib qolgan.
"Special One" "Roma" rahbariyatidan keyingi transfer oynasida ushbu futbolchining transferini rasmiylashtirishni so‘radi. Tomonlar bu borada dastlabki muzokaralarni boshladi.
Vengriyalik yarim himoyachi 2018 yildan buyon "Frayburg"da to‘p tepmoqda. Jamoa tarkibida u Bundesligada 112 ta o‘yin o‘tkazib, 18 ta gol va 10 ta golli uzatmani amalga oshirgan. Uning transfer narxi 10 million yevro.
