“Рома” бош мураббийи Жозе Моуриньо навбатдаги трансфер мақсади ҳақида бир қарорга келди. Sportbild хабарига кўра, "Фрайбург" сафида Германия чемпионатида тўп тепаётган ярим ҳимоячи Ролланд Шаллаи португалиялик мутахассиснинг қизиқиш доирасига тушиб қолган.
"Special One" "Рома" раҳбариятидан кейинги трансфер ойнасида ушбу футболчининг трансферини расмийлаштиришни сўради. Томонлар бу борада дастлабки музокараларни бошлади.
Венгриялик ярим ҳимоячи 2018 йилдан буён "Фрайбург"да тўп тепмоқда. Жамоа таркибида у Бундеслигада 112 та ўйин ўтказиб, 18 та гол ва 10 та голли узатмани амалга оширган. Унинг трансфер нархи 10 миллион евро.
