"Chelsi" vingeri Noni Madueke o‘tgan yozda jamoani qabul qilib olgan bosh murabbiy Maurisio Pochettino bilan munosabatlari haqida fikr bildirdi.
"Maurisio haqiqatan ham ajoyib murabbiy. U "Chelsi"ning barcha futbolchilari bir-birini aka-uka deb hisoblaydigan madaniyatni yaratgan. Bu yosh futbolchilarga katta yordam beradi. Pochettinoning murabbiyligi bizning omadimiz. Maurisio qattiqqo‘l, lekin menga shunday munosabat kerak. U futbolchilar bilan ochiq munosabatda bo‘ladi va bu juda muhim. Pochettino qachon qattiqqo‘l, qachon yumshoq bo‘lishni biladi", - dedi Madueke "Chelsi" rasmiy saytiga.
Eslatib o‘tamiz, “ko‘klar” Pochettino qo‘l ostida APLning to‘rtta dastlabki turida ikkita mag‘lubiyat alamini totib ko‘rdi.
