"PSJ"ning sobiq yarim himoyachisi Blez Matyuidi Marko Verratti faoliyati haqida fikr bildirdi.
2012 yildan buyon parijliklar safida to‘p tepib kelgan italiyalik futbolchi yaqinda Qatarning "Al-Arabiy" klubiga o‘tdi.
“U 19 yoshli yangi o‘yinchi sifatida to‘pni birinchi marta o‘ziga olganida, biz uning kelajagi katta ekanligini darhol angladik - u allaqachon 28 yoshdek o‘ynardi.
Afsuski, u bu yerda ko‘proq narsaga erishishi mumkin edi, degan fikr bor, bunga hech qanday shubha yo‘q. Ammo uning xizmatlarini kamsitmaylik. Markoning sobiq jamoadoshi sifatida aytishim mumkinki, u meni nafaqat qobiliyatlari, balki kamtarligi va xarakterdagi soddaligi bilan ham hayratda qoldirdi”, — dedi "PSJ"da 2012-2017 yillarda Verratti bilan birga to‘p surgan Matyuidi.
