«Barselona»ga oid xabarlarga ixtisoslashgan sport jurnalisti Ferran Korreas kataloniyalik hujumchi Lamin Yamal haqida ma’lumot berdi.
Manbaga ko‘ra, 16 yoshli futbolchi bo‘lajak o‘yinlarda doimiy ravishda «Barselona» asosiy tarkibida o‘ynamaydi.
Xabar qilinishicha, Yamal hali bunday tig‘iz taqvimga tayyor emas, chunki u bunday holatga hali duch kelmagan.
Joriy mavsumda Yamal Ispaniya chempionatining to‘rtta uchrashuvida qatnashib, ikkita golli uzatmani amalga oshirdi.
Keyingi o‘yinlarda «Barselona» «Betis» (16 sentyabr), «Antverpen» (19 sentyabr), «Selta» (24 sentyabr) va «Malyorka» (27 sentyabr) klublari bilan kuch sinashadi.
