«Барселона»га оид хабарларга ихтисослашган спорт журналисти Ферран Корреас каталониялик ҳужумчи Ламин Ямал ҳақида маълумот берди.

Манбага кўра, 16 ёшли футболчи бўлажак ўйинларда доимий равишда «Барселона» асосий таркибида ўйнамайди.

Хабар қилинишича, Ямал ҳали бундай тиғиз тақвимга тайёр эмас, чунки у бундай ҳолатга ҳали дуч келмаган.

Жорий мавсумда Ямал Испания чемпионатининг тўртта учрашувида қатнашиб, иккита голли узатмани амалга оширди.

Кейинги ўйинларда «Барселона» «Бетис» (16 сентябрь), «Антверпен» (19 сентябрь), «Сельта» (24 сентябрь) ва «Мальорка» (27 сентябрь) клублари билан куч синашади.