Yozgi transfer oynasida yarim himoyachi Joau Palinya "Bavariya"ga o‘tishi mumkin edi, ammo u "Fulxem"da qoldi. Bundan tashqari, 28 yoshli futbolchi London klubi bilan shartnomasini uzaytirdi. Yangi shartnoma imzolangandan keyin Palinya unga izoh berdi.
“Men o‘zimni baxtli his qilyapman. So‘nggi haftalarda men bilan ko‘p narsa yuz berdi, kelajagim haqida ko‘p eshitgansiz, lekin men bor e’tiborimni “Fulxem”dagi ishimga qaratganman. Men har doim bu klub va uning muxlislariga 100 foiz sodiq bo‘lganman.
Avvalgidek - maydonda ham, undan tashqarida ham borimni beraman”, dedi Palinya “Fulxem” klubi matbuot xizmatiga.
