Ёзги трансфер ойнасида ярим ҳимоячи Жоау Палинья "Бавария"га ўтиши мумкин эди, аммо у "Фулхэм"да қолди. Бундан ташқари, 28 ёшли футболчи Лондон клуби билан шартномасини узайтирди. Янги шартнома имзолангандан кейин Палинья унга изоҳ берди.
“Мен ўзимни бахтли ҳис қиляпман. Сўнгги ҳафталарда мен билан кўп нарса юз берди, келажагим ҳақида кўп эшитгансиз, лекин мен бор эътиборимни “Фулхэм”даги ишимга қаратганман. Мен ҳар доим бу клуб ва унинг мухлисларига 100 фоиз содиқ бўлганман.
Аввалгидек - майдонда ҳам, ундан ташқарида ҳам боримни бераман”, деди Палинья “Фулхэм” клуби матбуот хизматига.
