«Verona» himoyachisi Koray Gyunter faoliyatini Rossiyada davom ettirishi mumkin, deya xabar bermoqda jurnalist Janluka Di Marsio.
Manbaning xabariga ko‘ra, SSKA 28 yoshli nemisga da’vogarlik qilmoqda. Qayd etilishicha, himoyachi «armiyachilar» safiga o‘tishga yaqin turibdi. Rossiyada transfer oynasi 14 sentyabr kuni yopildi.
Gyunter 2019 yildan beri «Verona»da o‘ynab kelmoqda. U italyan klubi safida jami 105 ta o‘yin o‘tkazib, 2 ta gol urdi va 4 ta golli uzatmaga mualliflik qilgan.
28 yoshli futbolchining «Verona» bilan shartnomasi 2025 yilning iyunigacha mo‘ljallangan.
