«Верона» ҳимоячиси Корай Гюнтер фаолиятини Россияда давом эттириши мумкин, дея хабар бермоқда журналист Жанлука Ди Марцио.
Манбанинг хабарига кўра, ЦСКА 28 ёшли немисга даъвогарлик қилмоқда. Қайд этилишича, ҳимоячи «армиячилар» сафига ўтишга яқин турибди. Россияда трансфер ойнаси 14 сентябрь куни ёпилди.
Гюнтер 2019 йилдан бери «Верона»да ўйнаб келмоқда. У итальян клуби сафида жами 105 та ўйин ўтказиб, 2 та гол урди ва 4 та голли узатмага муаллифлик қилган.
28 ёшли футболчининг «Верона» билан шартномаси 2025 йилнинг июнигача мўлжалланган.