Kataloniyaning "Barselona" klubi vingeri Lamin Yamal "Manchester Siti"ga o‘tishga yaqin edi.
Marca nashrining ma’lumotlariga ko‘ra, 16 yoshli iqtidor haqiqatan ham Pep Gvardiola jamoasiga qo‘shilish arafasida edi, biroq yakunda kelishuv barbod bo‘ldi.
Eslatib o‘tamiz, avvalroq "Barselona" "Manchester Siti"ning Yamalni o‘ziga jalb qilish harakatlaridan noroziligini bildirgan edi. Lamin yangi mavsumda bitta golli uzatmani amalga oshirdi va asosiy tarkibda tez-tez maydonga tusha boshladi.
"Barselona" bosh murabbiyi Xavi Ernandes joriy mavsumda Yamalni jamoada qoldirishga qaror qildi. Futbolchi mavsumoldi mashg‘ulotlarida murabbiyda yaxshi taassurot qoldirdi.
