Himoyachi Benjamin Mendi yaqinda barcha jinsiy jinoyatlardan oqlandi. Oradan ko‘p o‘tmay himoyachi "Loren" bilan mehnat shartnomasini imzolab, o‘ziga klub topdi. L'Equipe xabariga ko‘ra, 29 yoshli Mendi keyingi dam olish kunlarida maydonga tushishga tayyor.
17 sentyabr, yakshanba kuni Fransiya chempionatining 5-turi doirasida “Loren” o‘z maydonida “Monako”ni qabul qiladi. Mendi 25 oy ichida ilk bor maydonga tushishga tayyor. Fransiyalik futbolchi oxirgi marta 2021 yil 15 avgust kuni “Manchester Siti” sharafini himoya qilgan.
