Ispaniya terma jamoasi futbolchilari terma jamoadagi o‘yinlarini qaytadan boshlash niyatida emas, deb xabar bermoqda AS.
Manba bergan xabarga ko‘ra, Luis Rubiales Jenni Ermosoni o‘pishi bilan bog‘liq vaziyatdan norozilik sifatida terma jamoadagi faoliyatini yakunlagan 23 nafar futbolchining barchasi Ispaniya Qirollik futbol federasiyasi sobiq rahbari iste’foga chiqqaniga qaramay, mamlakat asosiy jamoasiga qaytmoqchi emas. Ularni bosh murabbiy Xorxe Vildaning ketishi ham ishontirmadi.
Eslatib o‘tamiz, Ispaniya ayollar o‘rtasidagi jahon chempionati g‘olibi hisoblanadi.
Monserrat Tome yangi murabbiy bo‘ldi. Endi u 22 va 26 sentyabr kunlari Shvesiya va Shveysariyaga qarshi Millatlar ligasi o‘yinlari uchun 23 nafar yangi o‘yinchini tanlashi kerak bo‘ladi.