Испания терма жамоаси футболчилари терма жамоадаги ўйинларини қайтадан бошлаш ниятида эмас, деб хабар бермоқда AS.
Манба берган хабарга кўра, Луис Рубиалес Женни Эрмосони ўпиши билан боғлиқ вазиятдан норозилик сифатида терма жамоадаги фаолиятини якунлаган 23 нафар футболчининг барчаси Испания Қироллик футбол федерацияси собиқ раҳбари истеъфога чиққанига қарамай, мамлакат асосий жамоасига қайтмоқчи эмас. Уларни бош мураббий Хорхе Вильданинг кетиши ҳам ишонтирмади.
Эслатиб ўтамиз, Испания аёллар ўртасидаги жаҳон чемпионати ғолиби ҳисобланади.
Монсеррат Томе янги мураббий бўлди. Энди у 22 ва 26 сентябрь кунлари Швеция ва Швейцарияга қарши Миллатлар лигаси ўйинлари учун 23 нафар янги ўйинчини танлаши керак бўлади.
