Italiyalik sobiq himoyachi, hozirda futbol mutaxassisi sifatida ishlayotgan Fabio Grosso «Lion»ga ishga joylashdi.
U jamoa bosh murabbiyi lavozimini egalladi, bu haqda «sherlar»ning rasmiy sayti xabar berdi.
Tomonlar o‘rtasidagi mehnat shartnomasi joriy mavsum oxirigacha amal qiladi. Shartnomada bir yil muddatga uzaytirish imkoniyati mavjud.
Eslatib o‘tamiz, Grosso futbolchi bo‘lganida 2007 yildan 2009 yilgacha «Lion» sharafini himoya qilgan.
«Lion» Fransiya chempionatini omadsiz boshladi. To‘rt turdan keyin jamoa bor-yo‘g‘i bir ochko jamg‘arib, turnir jadvalida oxirgi o‘rinda bormoqda.
