Италиялик собиқ ҳимоячи, ҳозирда футбол мутахассиси сифатида ишлаётган Фабио Гроссо «Лион»га ишга жойлашди.
У жамоа бош мураббийи лавозимини эгаллади, бу ҳақда «шерлар»нинг расмий сайти хабар берди.
Томонлар ўртасидаги меҳнат шартномаси жорий мавсум охиригача амал қилади. Шартномада бир йил муддатга узайтириш имконияти мавжуд.
Эслатиб ўтамиз, Гроссо футболчи бўлганида 2007 йилдан 2009 йилгача «Лион» шарафини ҳимоя қилган.
«Лион» Франция чемпионатини омадсиз бошлади. Тўрт турдан кейин жамоа бор-йўғи бир очко жамғариб, турнир жадвалида охирги ўринда бормоқда.
