O‘zbekiston professional futbol assosiasiyasi har oy yakunlariga ko‘ra laureatlarni aniqlab borishini yaxshi bilasiz. Avgust oyi bo‘yicha “Metallurg” jamoasi sardori Zabihillo O‘rinboyev tengsiz deb e’tirof etildi. U futbolchilar o‘rtasidagi ikki yo‘nalish bo‘yicha ham laureat deb topildi.

Bir kun muqaddam Zabihilloning “So‘g‘diyona” jamoasi darvozasiga kiritigan goli “Avgust oyining eng chiroyli goli” deb baholangandi. Kecha esa O‘rinboyev “Avgust oyining eng yaxshi futbolchisi” nominasiyasida ham g‘alaba qozonganligi e’lon qilindi.

Bu yo‘nalishda “Metallurg” sardoriga Alibek Davronov, Farrux Sayfiyev, Vladimir Nazarov hamda Dragan Cheran raqobat ko‘rsatishgandi. So‘rovnoma yakunida esa eng ko‘p ovozni Zabihillo O‘rinboyev oldi va Superliganing avgust oyi bo‘yicha eng yaxshi o‘yinchisi deb e’tirof etildi.