Ertaga "Al-Hilol" tarkibidagi 8 ta legionerdan 5 nafari "Navbahor"ga qarshi o‘yin uchun ro‘yxatga kiritilishi mumkin. Bosh murabbiy Jezush legionerlar bo‘yicha yakuniy qarorni o‘yinoldi mashg‘ulotidan keyin qabul qilishini aytib o‘tgan.

Braziliyalik futbolchilar Neymar va Mishaelning maydonga tushishi so‘roq ostida qolmoqda. Kechki mashg‘ulotdan keyin ushbu futbolchilarning ertaga maydonga tushish yoki tushmasligi bo‘yicha xulosaga kelinadi. Jamoa yetakchilaridan biri Salim ad-Dovsariy o‘tgan mavsumdagi diskvalifikasiyasi tufayli o‘yinni o‘tkazib yuboradi.

"Navbahor" futbolchisi Azim Ahmedov Neymarga qarshi o‘ynash unga va jamoadoshlariga qo‘shimcha motivasiya berishini matbuot anjumanida aytib o‘tgan. O‘z o‘rnida, bosh murabbiy Samvel Babayan "Al-Hilol"ning nafaqat legionerlari, balki saudiyalik o‘yinchilari ham yuqori mahoratga ega ekanligini ta’kidlagan va "Navbahor" o‘zi uchun tarixiy natijani qo‘lga kiritishga harakat qilishini ma’lum qilgan.

Bizning taxminimizga ko‘ra, ertaga "Al-Hilol" tarkibida legionerlardan Yassin Bunu (Marokash), Kalidu Kulibali (Senegal), Ruben Nevesh (Portugaliya), Malkom (Braziliya) va Aleksandar Mitrovich (Serbiya) maydonga tushishadi.