Эртага "Ал-Ҳилол" таркибидаги 8 та легионердан 5 нафари "Навбаҳор"га қарши ўйин учун рўйхатга киритилиши мумкин. Бош мураббий Жезуш легионерлар бўйича якуний қарорни ўйинолди машғулотидан кейин қабул қилишини айтиб ўтган.

Бразилиялик футболчилар Неймар ва Мишаэлнинг майдонга тушиши сўроқ остида қолмоқда. Кечки машғулотдан кейин ушбу футболчиларнинг эртага майдонга тушиш ёки тушмаслиги бўйича хулосага келинади. Жамоа етакчиларидан бири Салим ад-Довсарий ўтган мавсумдаги дисквалификацияси туфайли ўйинни ўтказиб юборади.

"Навбаҳор" футболчиси Азим Аҳмедов Неймарга қарши ўйнаш унга ва жамоадошларига қўшимча мотивация беришини матбуот анжуманида айтиб ўтган. Ўз ўрнида, бош мураббий Самвел Бабаян "Ал-Ҳилол"нинг нафақат легионерлари, балки саудиялик ўйинчилари ҳам юқори маҳоратга эга эканлигини таъкидлаган ва "Навбаҳор" ўзи учун тарихий натижани қўлга киритишга ҳаракат қилишини маълум қилган.

Бизнинг тахминимизга кўра, эртага "Ал-Ҳилол" таркибида легионерлардан Яссин Буну (Марокаш), Калиду Кулибали (Сенегал), Рубен Невеш (Португалия), Малком (Бразилия) ва Александар Митрович (Сербия) майдонга тушишади.