"Chelsi" "Brentford" hujumchisi Ayvan Touniga da’vogarlik qilmoqda.
"Ko‘klar"ning 27 yoshli futbolchiga qiziqishi o‘tgan haftada ma’lum bo‘ldi. Insayder Fabrisio Romanoning so‘zlariga ko‘ra, "Chelsi" haqiqatdan ham angliyalik hujumchini sotib olish imkoniyatini jiddiy o‘rganmoqda, biroq hali muzokaralar olib borilgani yo‘q. Toni yangi yilning yanvar oyida safga qaytishi mumkin, transfer muhokamalari dekabrda boshlanishi mumkin.
Transfermarkt portali Tonining transfer qiymatini 35 million yevroga baholamoqda. O‘tgan Premyer-ligada futbolchi 33 uchrashuvda 20 ta gol urgan.