"Barselona" bosh murabbiyi Xavi Ernandes hujumchi Ferran Torres mavsum boshida qanday qilib yaxshi formaga tusha olgani haqida gapirdi. Eslatib o‘tamiz, yozda “ko‘k anorranglilar” rahbariyati ispaniyalikni sotish haqida jiddiy o‘ylagandi.
“Yozda Ferran Torres menga mavsumoldini yaxshi o‘tkazishi kerakligini aytdi. Biz unga o‘z iqtidorini to‘liq namoyon etishi uchun kerakli vaqtni berdik. Uning munosabati, mehnatsevarligi boshqalarga o‘rnakdir. Ferran allaqachon jamoa uchun juda muhim va kelajakda ham shunday bo‘lib qoladi", - dedi Xavi matbuot anjumanida.
Torres Ispaniya chempionatining 4 boshlang‘ich turida 3 ta gol urdi.
