"Барселона" бош мураббийи Хави Эрнандес ҳужумчи Ферран Торрес мавсум бошида қандай қилиб яхши формага туша олгани ҳақида гапирди. Эслатиб ўтамиз, ёзда “кўк анорранглилар” раҳбарияти испанияликни сотиш ҳақида жиддий ўйлаганди.
“Ёзда Ферран Торрес менга мавсумолдини яхши ўтказиши кераклигини айтди. Биз унга ўз иқтидорини тўлиқ намоён этиши учун керакли вақтни бердик. Унинг муносабати, меҳнатсеварлиги бошқаларга ўрнакдир. Ферран аллақачон жамоа учун жуда муҳим ва келажакда ҳам шундай бўлиб қолади", - деди Хави матбуот анжуманида.
Торрес Испания чемпионатининг 4 бошланғич турида 3 та гол урди.
