"Real" himoyachisi Daniel Karvaxal La Liganing 6-turida "Atletiko"ga qarshi o‘yinda maydonga tushishi mumkin.
Eslatib o‘tamiz, 31 yoshli ispaniyalik futbolchi “Real Sosyedad” bilan o‘yinda mushaklaridan jarohat olgan va shu sabab Chempionlar ligasining 1-turida “Union Berlin”ga qarshi maydonga tushmagandi.
Bugun Karvaxal Valdebebasdagi mashg‘ulot bazasiga tashrif buyurdi va tibbiy muolajalardan o‘tdi. "Real Madrid" vise-sardori allaqachon o‘zini yaxshi his qilmoqda, ammo uning "Atletiko"ga qarshi o‘yindagi ishtiroki bo‘yicha yakuniy qaror MRT tekshiruvidan so‘ng qabul qilinadi.
Madrid derbisi 24 sentyabr, yakshanba kuni bo‘lib o‘tadi. Boshlanishi - 23.59