"Реал" ҳимоячиси Даниэль Карвахаль Ла Лиганинг 6-турида "Атлетико"га қарши ўйинда майдонга тушиши мумкин.
Эслатиб ўтамиз, 31 ёшли испаниялик футболчи “Реал Сосьедад” билан ўйинда мушакларидан жароҳат олган ва шу сабаб Чемпионлар лигасининг 1-турида “Унион Берлин”га қарши майдонга тушмаганди.
Бугун Карвахаль Вальдебебасдаги машғулот базасига ташриф буюрди ва тиббий муолажалардан ўтди. "Реал Мадрид" вице-сардори аллақачон ўзини яхши ҳис қилмоқда, аммо унинг "Атлетико"га қарши ўйиндаги иштироки бўйича якуний қарор МРТ текширувидан сўнг қабул қилинади.
Мадрид дербиси 24 сентябрь, якшанба куни бўлиб ўтади. Бошланиши - 23.59