Xanchjou shahrida Yoshlar siyosati va sport vaziri Adkham Ikramov boshchiligida O‘zbekiston sport delegasiyasiga ajratilgan binoda shtab vakillari bilan muloqot o‘tkazildi.

Muloqot davomida sportchilarning musobaqalar davomidagi ishtirokini yuqori saviyada tashkil qilish, ularning yashash sharoitlarini yanada takomillashtirish va shtab faoliyatini uzluksiz ta’minlash masalalari ko‘rib chiqildi.

Shundan so‘ng, shtab a’zolari hamrohligida «Atletlar shaharchasi»da sportchilar uchun yaratilgan sharoitlar bilan ham tanishildi.

Xususan, shu yerdagi fitnes zali, ovqatlanish markazi va yotoqxonalardagi sharoitlar bilan tanish qatorida o‘zbek sportchilari bilan ham samimiy muloqotlar bo‘lib o‘tdi. Shu o‘rinda, vazir A. Ikramov sportchilar bilan uchrashib, vatanimizga yorug‘ yuz bilan qaytishlarida omad tiladi.