Ханчжоу шаҳрида Ёшлар сиёсати ва спорт вазири Адкҳам Икрамов бошчилигида Ўзбекистон спорт делегациясига ажратилган бинода штаб вакиллари билан мулоқот ўтказилди.

Мулоқот давомида спортчиларнинг мусобақалар давомидаги иштирокини юқори савияда ташкил қилиш, уларнинг яшаш шароитларини янада такомиллаштириш ва штаб фаолиятини узлуксиз таъминлаш масалалари кўриб чиқилди.

Шундан сўнг, штаб аъзолари ҳамроҳлигида «Атлетлар шаҳарчаси»да спортчилар учун яратилган шароитлар билан ҳам танишилди.

Хусусан, шу ердаги фитнес зали, овқатланиш маркази ва ётоқхоналардаги шароитлар билан таниш қаторида ўзбек спортчилари билан ҳам самимий мулоқотлар бўлиб ўтди. Шу ўринда, вазир А. Икрамов спортчилар билан учрашиб, ватанимизга ёруғ юз билан қайтишларида омад тилади.