«Manchester Siti» o‘z himoyachisi Joau Kanseluni «Barselona»ga doimiy ravishda qo‘yib yuborish uchun qancha so‘ragani ma’lum bo‘ldi.

Mundo Deportivo xabariga ko‘ra, «shaharliklar» 29 yoshli portugaliyalik uchun 25 million yevro talab qiladi.

E’tiborlisi, transfer oynasining so‘nggi kunida Kanselu «Barselona»ga ijara asosida o‘tdi, bu xarid qilish huquqini o‘z ichiga olmaydi.

«Ko‘k-anorranglilar» rahbariyati avvalroq portugaliyalik futbolchi o‘zini jamoada munosib ko‘rsata olsa, uni sotib olishga harakat qilishini ma’lum qilgandi.

Kanselu barcha musobaqalarda «Barselona» safida o‘tkazgan dastlabki uchta o‘yinida bitta gol urdi.