«Manchester Yunayted» kecha «Byornli»ni mag‘lub etdi. Bruno Fernandesh birinchi bo‘lim oxirida Evansning uzatmasidan so‘ng o‘yindagi yagona golga mualliflik qildi.

Shundan so‘ng Evans uchrashuv haqida gapirdi. 

«Menga o‘yinning har bir daqiqasi yoqdi. O‘yin oldidan menda o‘zgacha tuyg‘u bor edi - men bahsni ortiqcha kuta olmadim, shunchaki hayajon ko‘p edi.

Bu mening «Manchester Yunayted»dagi 200-o‘yinim bo‘ldi, men hech qachon bunga erishaman deb o‘ylamagandim. Bu unutilmas onlar edi», - deya Evansning so‘zlarini keltiradi insayder Fabrisio Romano.

35 yoshli himoyachi «Manchester Yunayted» tarbiyalanuvchisi hisoblanadi.